ആർ. സുഗതൻ
| ആർ. സുഗതൻ | |
 |
|
|
ഒന്നും, രണ്ടും കേരള നിയമസഭയകളിലെ അംഗം
|
|
| പദവിയിൽ 1957 – 1964 |
|
| മണ്ഡലം | കാർത്തികപ്പള്ളി |
|---|---|
|
|
|
| ജനനം | 1901 ഡിസംബർ 23 |
| മരണം | 1970 ഫെബ്രുവരി 14 (പ്രായം 68) |
| രാഷ്ട്രീയകക്ഷി | കമ്മ്യൂണിസ്റ്റ് പാർട്ടി ഓഫ് ഇന്ത്യ |
| മതം | ഹിന്ദുമതം |
| As of ജനുവരി 4, 2012 ഉറവിടം: നിയമസഭ |
|
മുതിർന്ന കമ്മ്യൂണിസ്റ്റ് നേതാവും കേരളത്തിൽ ആദ്യകാല ട്രേഡ് യൂണിയൻ പ്രവർത്തനങ്ങൾക്ക് തുടക്കം കുറിച്ച നേതാക്കളിൽ ഒരാളുമാണ് സുഗതൻ സാർ എന്നറിയപ്പെട്ടിരുന്ന ആർ. സുഗതൻ (23 ഡിസംബർ 1901-14 ഫെബ്രുവരി 1970). ഇദ്ദേഹം രണ്ട് തവണ വീതം തിരുക്കൊച്ചി നിയമസഭയിലും കേരള നിയമസഭയിലും അംഗമായിട്ടുണ്ട്. 1952-ൽ ആലപ്പുഴയിൽ നിന്നും 1954-ൽ മാരാരിക്കുളത്തു നിന്നുമാണ് ഇദ്ദേഹം തിരുക്കൊച്ചി നിയമസഭയിലേക്കെത്തിയത്[1]. ഒന്നും രണ്ടും കേരളനിയമസഭകളിൽ കാർത്തികപ്പള്ളി നിയോജകമണ്ഡലത്തിൽ[2] നിന്നാണ് ഇദ്ദേഹം തിരഞ്ഞെടുക്കപ്പെട്ടത്.
തിരുവിതാംകൂർ സ്റ്റേറ്റ് കോൺഗ്രസിലൂടെ 1938-ൽ സജീവ രാഷ്ട്രീയത്തിൽ ഇറങ്ങുന്നതിന് പതിനഞ്ച് വർഷം മുൻപ് ഇദ്ദേഹം അധ്യാപകവൃത്തിയിലേർപ്പെട്ടിരുന്നു. 1939-ൽ ആർ. സുഗതൻ കമ്മ്യൂണിസ്റ്റ് പാർട്ടിയിലംഗമായി. സ്വാതന്ത്ര്യ സമര പ്രസ്ഥാനങ്ങളിൽ പങ്കെടുക്കുക വഴി ഏകദേശം നാലരക്കൊല്ലക്കാലം ജയിൽ വാസം അനുഷ്ഠിച്ചു. ഓൾ ട്രാവകൂർ ട്രേഡ് യൂണിയൻ കോൺഗ്രസിന്റെ ജനറൽ സെക്രട്ടറി; അഖില കേരള ട്രേഡ് യൂണിയൻ കോൺഗ്രസിന്റെ വൈസ് പ്രസിഡന്റ് എന്നീ നിലകളിലും ഇദ്ദേഹം പ്രവർത്തിച്ചിരുന്നു. ജന്മാവകാശമായി ലഭിച്ച സ്വത്തുവകകൾ കമ്മ്യൂണിസ്റ്റ് പാർട്ടിക്ക് ഇദ്ദേഹം നൽകുകയുണ്ടായി.
