ആപ്റ്റ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ആപ്റ്റ് - അഡ്വാൻസ്ഡ് പാക്കേജിംഗ് ടൂൾ
Apt-get install mediawiki.png
ഇൻസ്റ്റാൾ ചെയ്യുന്നതിനു മുമ്പ് ആപ്റ്റ്-ഗെറ്റ് സമ്മതം ചോദിക്കുന്നു.
ആദ്യപതിപ്പ് 16 ഓഗസ്റ്റ് 1998 (1998-08-16)[1]
ഏറ്റവും പുതിയ
സുസ്ഥിരമായ പതിപ്പ്
0.8.10.3[2] / ഏപ്രിൽ 15, 2011; 3 വർഷം മുമ്പ് (2011-04-15)
പൂർവ്വദർശന പ്രകാശനം 0.8.16~exp13 / മാർച്ച് 13, 2012; 2 വർഷം മുമ്പ് (2012-03-13)
പ്രോഗ്രാമിംഗ് ഭാഷ സി++
ഓപ്പറേറ്റിങ്ങ് സിസ്റ്റം വിവിധം
തട്ടകം യൂണിക്സ് പോലെയുള്ളവ
തരം പാക്കേജ് മാനേജർ
അനുമതിപത്രം ഗ്നു ജിപിഎൽ
വെബ്‌സൈറ്റ് wiki.debian.org/Apt wiki.debian.org/Teams/Apt

ഡെബിയനിലും അതിന്റെ ഉപവിതരണങ്ങളിലും പാക്കേജ് മാനേജറായ ഡിപികെജിക്കു വേണ്ടി നിർമ്മിച്ച അപ്ഡേറ്റിംഗ് ഉപകരണമാണ് ആപ്റ്റ്.[3] ഇതൊരു സ്വതന്ത്ര സോഫ്റ്റ്‌വെയറാണ്. അഡ്വാൻസ്ഡ് പാക്കേജിംഗ് ടൂൾ എന്നതിന്റെ ചുരുക്കരൂപമാണ് ആപ്റ്റ്. ആപ്ട്-ഗെറ്റ് ആണ് സാധാരണയായി ഡിപികെജിക്കുള്ള പുതുക്കൽ ഉപകരണം. ആപ്റ്റ്-ആർപിഎം എന്ന ആപ്റ്റിന്റെ രൂപം ആർപിഎമ്മിനു വേണ്ടിയും ഉപയോഗിക്കാറുണ്ട്.[4] ഫിങ്ക് പ്രൊജക്ട് മാകിലേക്കും ഇത് വിവർത്തനം നടത്തി ഉപയോഗിക്കുന്നുണ്ട്. ഓപൺസൊളാരിസിലും ആപ്റ്റ് ലഭ്യമാണ്.[5] ജയിൽബ്രോക്കൺ ഐഓഎസിൽ ഉപയോഗിക്കുന്ന സിഡിയ ആപ്റ്റിനോടു നല്ല രീതിയിൽ സാദൃശ്യം കാണിക്കുന്നുണ്ട്.[6][7]

ഉപയോഗം[തിരുത്തുക]

ആപ്റ്റ് എന്നത് ഒരൊറ്റ സോഫ്റ്റ്‌വെയറല്ല, പകരം അതൊരു കൂട്ടം ലൈബ്രറികളും ഉപകരണങ്ങളും ചേർന്നതാണ്. ആപ്റ്റിലെ പ്രധാന ഘടകങ്ങൾ ലിബ്ആപ്റ്റ് എന്ന സി++ ലൈബ്രറിയും ആപ്റ്റ്-ഗെറ്റും, ആപ്റ്റ്-കാഷെയുമാണ്. ഡിപികെജിക്കുള്ള പുതുക്കൽ ഉപകരണം ആയാണ് ആപ്റ്റ് പരിഗണിക്കപ്പെടാറുള്ളത്. കാരണം ഡിപികെജി ഓരൊറ്റ പാക്കേജിനെ കൈകാര്യം ചെയ്യുമ്പോൾ ആപ്റ്റ്, പാക്കേജുകൾ തമ്മിലുള്ള ബന്ധങ്ങളെ കൈകാര്യം ചെയ്യുന്നു.

ഡെബിയാന്റെ ഏറ്റവും നല്ല വശമായി ആപ്റ്റിനെ വിലയിരുത്തപ്പെടുന്നു.[8][9][10][11][12][13] ഡിപികെജി, ആപ്റ്റിന്റെ നിർദ്ദേശാനുസരണം പ്രവർത്തിക്കുകയാണെന്നും പറയാം. കാരണം ഡിപികെജിക്കു തീരുമാനങ്ങൾ എടുക്കാൻ കഴിയാത്തിടത്ത് ആപ്റ്റ് ആണ് തീരുമാനിക്കുന്നത്.

കമാന്റുകൾ[തിരുത്തുക]

സോഫ്റ്റ്‌വെയറുകൾ ഇൻസ്റ്റാൾ ചെയ്യുക, ഒഴിവാക്കുക, പുതുക്കുക, ഓപ്പറേറ്റിംഗ് സിസ്റ്റം തന്നെ പുതുക്കുക എന്നിവയാണ് ആപ്റ്റിന്റെ പ്രധാന ജോലികൾ. എന്നാൽ അധികാരങ്ങൾക്കായുള്ള കമാന്റും ഇതിനു മുമ്പിലായി ഉപയോഗിക്കേണ്ടി വരും.

ഇൻസ്റ്റാൾ ചെയ്യൽ[തിരുത്തുക]

apt-get install 'pacakage_name'

എന്നതാണ് ഇൻസ്റ്റാൾ ചെയ്യാനുള്ള കമാന്റ്.

സോഫ്റ്റ്‌വെയറുകൾ നീക്കം ചെയ്യൽ[തിരുത്തുക]

apt-get remove 'packege_name'

എന്ന കമാന്റിലൂടെയാണ് സോഫ്റ്റ്‌വെയറുകൾ നീക്കം ചെയ്യാവുന്നത്.

apt-get autoremove

എന്ന കമാന്റ് ആവശ്യമില്ലാത്ത, ഇൻസ്റ്റാൾ ചെയ്യപ്പെട്ടിട്ടുള്ള സോഫ്റ്റ്‌വെയറുകളെ നീക്കം ചെയ്യുന്നു.

സോഫ്റ്റ്‌വെയറുകൾ പുതുക്കാൻ[തിരുത്തുക]

apt-get update

ഇത് സിസ്റ്റത്തിലുള്ള എല്ലാ സോഫ്റ്റ്‌വെയറുകളുടേയും പുതിയ പതിപ്പുകളുടെ വിവരങ്ങൾ ശേഖരിക്കാനുള്ള കമാന്റാണ്. ഇതിനു ശേഷം പുതുക്കേണ്ട സോഫ്റ്റ്‌വെയറുകൾ ഇൻസ്റ്റാൾ ചെയ്യാനുള്ള കമാന്റ് നൽകിയാൽ മതി. പുതിയ പതിപ്പ് ഇൻസ്റ്റാൾ ആയിക്കൊള്ളും.

apt-get dist-upgrade

ലഭ്യമായ എല്ലാ പുതുക്കലുകളും ഒരൊറ്റ കമാന്റ് വഴി യാഥാർത്ഥ്യമാക്കാം. തനിയെ ഡിപന്റൻസികൾ തീർക്കുകയും ചെയ്യും.[14] ആപ്റ്റിറ്റൂഡ് ഇക്കാര്യത്തിൽ മികച്ച ഒരു ആപ്ലികേഷനാണ്.[15]

ചരിത്രം[തിരുത്തുക]

ആപ്ട്-ഗെറ്റിന്റെ ആദ്യരൂപം ഡീറ്റി ആയിരുന്നു. ഡിപികെജി-ഗെറ്റ് എന്നാണ് വിളിക്കപ്പെട്ടിരുന്നത്. മതപരമായ കാരണങ്ങളാൽ ഡീറ്റി എന്ന പേര് ഉപേക്ഷിച്ചു. ആപ്റ്റ് എന്നുള്ള പേര് സ്വീകരിച്ചു. ആപ്ട്-ഗെറ്റിന്റെ ഏറെക്കുറെയുള്ള നിർമ്മാണം ഐആർസിയിലായിരുന്നു.[16] ശേഷം ലിബ്ആപ്റ്റ്-പികെജി എന്ന പേരിൽ നിർമ്മിച്ച സോഫ്റ്റ്‌വെയർ പരാജയമായിരുന്നു. പിന്നീട് ലിബ്ആപ്റ്റ്-ഇൻസ്റ്റ് നിർമ്മിച്ചെങ്കിലും ലക്ഷ്യം പൂർത്തീകരിക്കുന്നതിന്നതിൽ അതും പരാജയമായിരുന്നു. പിന്നീട് പുതിയൊരു സംഘം ആപ്റ്റ് തുടക്കം മുതൽ നിർമ്മിച്ചു. പുതിയ ഒരു നിഗൂഢലിപിയായിരുന്നു ഇതിൽ ഉപയോഗിച്ചത്.[17] ഇത് വിജയകരമായതോടെ ഡെബിയൻ അധിഷ്ഠിത വിതരണങ്ങൾ ധാരാളം പുറത്തിറങ്ങി.

ഫ്രണ്ട് എൻഡുകൾ[തിരുത്തുക]

ആപ്റ്റിനുള്ള ഫ്രണ്ട് എൻഡ് ആയ സിനാപ്റ്റിക്

അവലംബം[തിരുത്തുക]

  1. "Advanced Packaging Tool". sensagent. ശേഖരിച്ചത് 2012-02-22. 
  2. "Debian -- Details of package apt". packages.qa.debian.org. ശേഖരിച്ചത് 2012-04-02. 
  3. "apt-get(8) - Linux man page". linux.die.net. ആർക്കൈവ് ചെയ്തത് സൈറ്റിൽ നിന്ന്, യഥാർത്ഥം: 16 May 2008. ശേഖരിച്ചത് 2008-05-12. 
  4. "APT-RPM". apt-rpm.org. ആർക്കൈവ് ചെയ്തത് സൈറ്റിൽ നിന്ന്, യഥാർത്ഥം: 21 April 2008. ശേഖരിച്ചത് 2008-05-12. 
  5. "Fink - About". www.finkproject.org. ആർക്കൈവ് ചെയ്തത് സൈറ്റിൽ നിന്ന്, യഥാർത്ഥം: 11 May 2008. ശേഖരിച്ചത് 2008-05-12. 
  6. "Bringing Debian APT to the iPhone" by Jay Freeman (saurik
  7. Telesphoreo Tangelo documentation
  8. Byfield, Bruce (2004-12-09). "An apt-get primer". യഥാർത്ഥ സൈറ്റിൽ നിന്ന് 2010-04-19-നു ആർക്കൈവ് ചെയ്തത്. 
  9. "From the archives: the best distros of 2000". Tux Radar. 
  10. Dorgan, David (2004-01-19). "Migrating to Debian". linux.ie. യഥാർത്ഥ സൈറ്റിൽ നിന്ന് 2010-04-19-നു ആർക്കൈവ് ചെയ്തത്. 
  11. "Mobile Linux development with Familiar and a minimal Debian". Mobile Tux. 
  12. Why Debian
  13. Debian policy manual
  14. die.net Linux Man pages
  15. Discussion on dist-upgrade vs. full-upgrade
  16. Deity Mailing List, 1998-03.
  17. "Secure APT". Debian Wiki. ആർക്കൈവ് ചെയ്തത് സൈറ്റിൽ നിന്ന്, യഥാർത്ഥം: 1 September 2006. ശേഖരിച്ചത് 2006-09-05. 
"http://ml.wikipedia.org/w/index.php?title=ആപ്റ്റ്&oldid=1966169" എന്ന താളിൽനിന്നു ശേഖരിച്ചത്