അഴുത ബ്ലോക്ക് പഞ്ചായത്ത്

ഇടുക്കി ജില്ലയിലെ പീരുമേട് താലൂക്കിൽ സ്ഥിതി ചെയ്യുന്ന ബ്ളോക്ക് പഞ്ചായത്താണ് അഴുത.

12 ഡിവിഷനുകൾ ഉള്ള ഈ ബ്ലോക്ക് പഞ്ചായത്തിൽ പെരുവന്താനം, കുമിളി, കൊക്കയാർ,പീരുമേട്,ഏലപ്പാറ,വണ്ടിപ്പെരിയാർ , എന്നീ ആറ് ഗ്രാമപഞ്ചായത്തുകൾ ഉൾപ്പെടുന്നു. 1236.32 ചതുരശ്രകിലോമീറ്ററാണ് ഈ ബ്ലോക്ക് പഞ്ചായത്തിന്റെ വിസ്തൃതി. അഴുത ബ്ളോക്ക് പഞ്ചായത്ത് നിലവിൽ വന്നത് 1952 ഒക്ടോബർ 2-നാണ്. പീരുമേട് എന്ന പേരിൽ ഇപ്പോൾ അറിയപ്പെടുന്ന , പീരുമേട് താലൂക്ക് ആസ്ഥാനത്തുള്ള സ്ഥലം മുൻപ് അഴുത എന്നാണ് അറിയപ്പെട്ടിരുന്നത്. അഴുതയാറിന്റെ തുടക്കം ഈ പ്രദേശത്തു നിന്നാണ്. ബ്ലോക്ക് പഞ്ചായത്ത് ഓഫീസിനു സമീപത്തു തന്നെ പീരുമേട് താലൂക്ക് ഓഫീസും, കോടതിയും സ്ഥിതി ചെയ്യുന്നു.

അഴുത ബ്ലോക്ക് പഞ്ചായത്ത് ഓഫീസ്- പീരുമേട്

അതിരുകൾ

• വടക്ക് - ഇടുക്കി ബ്ലോക്ക് പഞ്ചായത്ത്, കട്ടപ്പന ബ്ലോക്ക് പഞ്ചായത്ത്
• കിഴക്ക് - തമിഴ്നാട് സംസ്ഥാനം
• തെക്ക് - പത്തനംതിട്ട ജില്ലയിലെ റാന്നി ബ്ലോക്ക് പഞ്ചായത്ത്
• പടിഞ്ഞാറ് - കോട്ടയം ജില്ലയിലെകാഞ്ഞിരപ്പള്ളി ബ്ലോക്ക് പഞ്ചായത്ത്, ഈരാറ്റുപേട്ട ബ്ലോക്ക് പഞ്ചായത്ത്

പൊതുവിവരങ്ങൾ

പൊതുവിവരങ്ങൾ:- 2001 ലെ ജനസംഖ്യാ കണക്കെടുപ്പനുസരിച്ച്:

ജില്ല	ഇടുക്കി
ബ്ലോക്ക്	അഴുത
വിസ്തീർണ്ണം	1236.32
ഡിവിഷനുകളുടെ എണ്ണം	12
ജനസംഖ്യ	162869
പുരുഷൻമാർ	82056
സ്ത്രീകൾ	80813
ജനസാന്ദ്രത	132
സ്ത്രീ : പുരുഷ അനുപാതം	985
മൊത്തം സാക്ഷരത	83
സാക്ഷരത (പുരുഷൻമാർ)	89
സാക്ഷരത (സ്ത്രീകൾ)	77