അലി മാണിക്‌ഫാൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
അലി മണിക്ഫാൻ
അലി മണിക്ഫാൻ അദ്ദേഹത്തിന്റെ വള്ളിയൂരിലുള്ള വീട്ടിൽ.2014 ആഗസ്റ്റിൽ പകർത്തിയത്.
ജനനം (1938-03-16) 16 മാർച്ച് 1938 (76 വയസ്സ്)
മിനിക്കോയ്, ലക്ഷദ്വീപ്, ഇന്ത്യ
താമസം തമിഴ് നാട്
ദേശീയത Indian
മേഖലകൾ സമുദ്ര ഗവേഷകൻ
പരിസ്ഥിതി വാദി
ഗോളശാസ്ത്രജ്ഞൻ,കപ്പൽ നിർമ്മാതാവ്,ബഹുഭാഷാ വിദഗ്ദൻ,മുസ്ലിം പണ്ഡിതൻ
അറിയപ്പെടുന്നത് അബൂഡെഫ്ഡഫ് മണിക്ഫാനി
കുറിപ്പുകൾ
We must depend on ourselves

പ്രശസ്തനായ സമുദ്രഗവേഷകനും കൃഷിശാസ്ത്രജ്ഞനുമാണ് അലി മാണിക്ഫാൻ. ബഹുഭാഷാപണ്ഡിതൻ, കപ്പൽനിർമ്മാതാവ് എന്നീ നിലകളിലും അദ്ദേഹം പ്രശസ്തനാണ്. മൂസ മാണിക്ഫാന്റേയും ഫാത്തിമ മാണിക്കയുടേയും മകനായി മിനിക്കോയ് ദ്വീപിൽ 1938 മാർച്ച് 16ന് ജനിച്ചു[1]

ജീവിതം[തിരുത്തുക]

ദ്വീപിൽ വിദ്യാഭ്യാസ സൗകര്യങ്ങൾ കുറവായതിനാൽ പിതാവ് അലി മാണിക്ഫാനെ കേരളത്തിലെ കണ്ണൂരിലേക്ക് ഔപചാരിക വിദ്യഭ്യാസത്തിനായി അയച്ചു. എന്നാൽ വ്യവസ്ഥാപിത വിദ്യാഭ്യാസരീതിക്ക് എതിരായിരുന്നതിനാൽ അദ്ദേഹം വിദ്യാഭ്യാസം ഉപേക്ഷിക്കുകയും മിനിക്കോയിയിലേക്ക് മടങ്ങുകയും ചെയ്തു. വിദ്യാഭ്യാസം സ്വയം ആർജ്ജിക്കേണ്ടതാണെന്നാണ് ആദ്ദേഹത്തിന്റെ കാഴ്ചപ്പാട്.

ഔപചാരിക വിദ്യാഭ്യാസം ലഭിക്കാതെ തന്നെ മാതൃഭാഷയായ ദിവേഹിക്കുപുറമെ ഇംഗ്ലീഷ്, ഹിന്ദി, മലയാളം, അറബിക്, ലാറ്റിൻ, ഫ്രഞ്ച്, പേർഷ്യൻ, സംസ്കൃതം തുടങ്ങി പതിനഞ്ചോളം ഭാഷകളിൽ അദ്ദേഹം പ്രാവീണ്യം നേടി. തുടർന്ന് സമുദ്രജീവിശാസ്ത്രം, ജ്യോതിശാസ്ത്രം, ഭൂമിശാസ്ത്രം, സാമൂഹ്യശാസ്ത്രം, ദ്വീപിന്റെ തനതു സമ്പത്തായ കപ്പൽനിർമ്മാണം തുടങ്ങിയ വിഷയങ്ങളിൽ അറിവ് സമ്പാദിക്കുന്നതിൽ അദ്ദേഹം സമയം വിനിയോഗിച്ചു. 1956ൽ അദ്ധ്യാപകനായും തുടർന്ന് ഇന്ത്യ ഗവർമെന്റിന്റെ ചീഫ് സിവിൽ ഒഫീഷ്യലിന്റെ ഓഫീസിലും ജോലി ചെയ്തു.എന്നാൽ സമുദ്ര ഗവേഷണത്തോടുള്ള താത്പര്യം മൂലം 1960ൽ ഫിഷറീസ് വകുപ്പിൽ ഗവേഷകനായി ചേർന്നു.

ജീവിക്കുന്ന ഇതിഹാസം[തിരുത്തുക]

അലി മണിക്ഫാൻ ഒരു ജീവിക്കുന്ന ഇതിഹാസമായി അദ്ദേഹത്തെ മനസ്സിലാക്കുന്നവർ വിശേഷിപ്പിക്കുന്നു. നമുക്ക് ആശ്രയിക്കാൻ നാം തന്നെ ധാരാളം എന്ന സന്ദേശമാണ് അദ്ദേഹം നൽകുന്നത്. ശാസ്ത്രജ്ഞനും ബഹുഭാഷാ പണ്ഡിതനുമെല്ലാമായിരുന്നിട്ടും നാടൻ ശൈലിയിലുള്ള ലളിതമായ വേഷ വിധാനവും പരിസ്ഥിതിക്കിണങ്ങിയ ജീവിത ശൈലിയും ഭക്ഷണശീലക്ങ്ങളും ജീവിത കാഴ്ചപ്പാടുകളുമെല്ലാമാണ് അലി മണിക്ഫാനെ വ്യതിരിക്തനാക്കുന്നത്. എല്ലാ കാര്യത്തിലും സ്വന്തമായ കാഴ്ചപ്പാടുകളും നിലപാടുകളുമുള്ള മണിക്ഫാൻ തന്റെ ആശയങ്ങളുടെ പ്രായോഗിക രൂപമായി ജിവിക്കുകയും ചെയ്യുന്നു. സ്വന്തം വീട്ടിലെ വൈദ്യൂതോപകരണങ്ങളും വൈദ്യുതോർജ്ജം വരെ സ്വന്തമായി വികസിപ്പിച്ചുപയോഗിക്കുന്നു.[2]

കണ്ടെത്തലുകൾ[തിരുത്തുക]

അലി മണിക്ഫാന്റെ പേരിൽ ഒരു മത്സ്യ വർഗം അറിയപ്പെടുന്നു. അലിമണിക് ഫാൻ കണ്ടെത്തിയ ഈ സ്പീഷ്യസാണ് അബൂഡഫ്ഡഫ് മണിക്ഫാനി (അബൂഡെഫ്ഡഫ് മണിക്ഫാനി).[3] ഡഫ്സഫ് മൽസ്യവർത്തിലെ അനേകം സ്പീഷ്യസുകളിലൊന്നാണിത്. പ്രശസ്ത മറൈൻ ബയോളജിസ്റ്റും സെൻട്രൽ മറൈൻ റിസർച്ച് ഇൻസ്റ്റിട്ട്യൂട്ടിന്റെ ഡയറക്ടറുമായ ഡോ. എസ്.ജോൺസ് അപൂർവ്വയിനത്തിൽ പെട്ട മത്സ്യങ്ങളെ വർഗീകരിച്ചപ്പോൾ മണിക്ഫാന്റെ ഈ നേട്ടത്തെ പ്രത്യേകം പരാമർശിക്കുന്നു.[4]

പുറത്തേക്കുള്ള കണ്ണികൾ[തിരുത്തുക]

ചിത്രശാല[തിരുത്തുക]

അവലംബം[തിരുത്തുക]

  1. http://www.maldivesroyalfamily.com/minicoy_ali_manikfan.shtml അലിമാണിക്ഫാനെക്കുറിച്ച് മാൽദീവ് റോയൽ ഫാമിലിയുടെ വെബ്സൈറ്റ്
  2. അലി മണിക്ഫാൻ ജീവിക്കുന്ന ഇതിഹാസം-Dr. J.M.I Sait
  3. google document
  4. http://animaldiversity.ummz.umich.edu/site/accounts/classification/path/Abudefduf_manikfani.html#Abudefduf%20manikfani
"http://ml.wikipedia.org/w/index.php?title=അലി_മാണിക്‌ഫാൻ&oldid=1994353" എന്ന താളിൽനിന്നു ശേഖരിച്ചത്