അബിനാഥൻ
 |
ഈ ലേഖനം ഒരു അനാഥലേഖനമാണ്. ഈ ലേഖനത്തിലേക്ക് മറ്റു ലേഖനങ്ങളിൽ നിന്നും കണ്ണികളില്ല. മറ്റ് ലേഖനങ്ങളിൽ നിന്ന് ദയവായി ഈ ലേഖനത്തിലേക്ക് കണ്ണികൾ കൊടുക്കുക. |
ഇറാനിൽ ജനിച്ച് ഇന്ത്യയിൽ വളർന്ന് ഇസ്രയേലിൽ സമാധാനപ്രവർത്തകനായി മാറിയ വ്യക്തിയാണ് അബിനാഥൻ. “(Hebrew: אייבי נתן,)” (ജനനം ഏപ്രിൽ 29, 1927 – മരണം ഓഗസ്റ്റ് 27, 2008) പേർഷ്യയിലെ അബാദനിൽ 1922-ൽ ജനിച്ച അബിനാഥന്റെ യൗവനകാലം മുംബൈയിലായിരുന്നു. പിന്നീട് ഇസ്രയേൽ പൗരത്വം നേടി.
സമാധാനം എന്നർഥമുള്ള “ശാഘോം” എന്നു പേരിട്ട സ്വകാര്യവിമാനത്തിൽ അദ്ദേഹം 1966-ൽ ഈജിപ്തിലേക്ക് പറന്നു. ഈജിപ്ത് പ്രസിഡൻറ് ഗമൽ അബ്ദൽ നാസറിനെ കാണാൻ ശ്രമിച്ചെങ്കിലും കഴിഞ്ഞില്ല. ഈ ശ്രമത്തിന് അബിനാഥൻ ഇസ്രയേൽ ജയിലിലായി. 1980ന്റെ അവസാനവും 1990ന്റെ ആദ്യവും പി.എൽ.ഒ. നേതാവ് യാസർ അരാഫത്തിനെ കണ്ടതിനും അദ്ദേഹം ജയിലിലായി.[1].[2]
1973 മുതൽ 1993 വരെ നാഥന്റെ കപ്പൽ റേഡിയോ നിലയം (Voice of Peace radio station.) സംഗീതത്തോടൊപ്പം സമാധാനസന്ദേശവും പ്രക്ഷേപണം ചെയ്തു. ഇസ്രയേൽ തീരത്ത് കടലിലാണ് കപ്പൽ നങ്കൂരമിട്ടിരുന്നത്. ഇസ്രയേലും പി.എൽ.ഒ.യും സമാധാനക്കരാർ ഒപ്പിട്ട 1993-ൽ അദ്ദേഹം കപ്പൽ ഉപേക്ഷിച്ച് റേഡിയോപ്രക്ഷേപണം നിർത്തി. ഇസ്രയേലിലേക്ക് കുടിയേറിയശേഷം നാഥൻ ഇസ്രയേലിന്റെയും പിന്നീട് ബ്രിട്ടന്റെയും യുദ്ധവൈമാനികനായിരുന്നു. 1948-ലെ യുദ്ധത്തിലും അബിനാഥൻ പങ്കെടുത്തിട്ടുണ്ട്.[3]
പലസ്തീൻപ്രശ്നത്തിന്റെ പേരിൽ ഇസ്രയേൽ അറബ് ബന്ധം ഏറെ വഷളായിരുന്നപ്പോൾ ഈജിപ്തിലേക്കും പലസ്തീനിലേക്കും യാത്രചെയ്ത് ജയിൽശിക്ഷ ഏറ്റുവാങ്ങിയ നാഥൻ തന്റെ രാജ്യവും ഒരുനാൾ ഈ വഴി പിന്തുടരുമെന്ന വിശ്വാസക്കാരനായിരുന്നു. 1997-ൽ അബിനാഥന് പക്ഷാഘാതം പിടിപെട്ടു. ഇതിനു ശേഷം അദ്ദേഹത്തിനു ആരോഗ്യം വീണ്ടെടുക്കാനായില്ല.
[തിരുത്തുക] അവലംബം
- ↑ Kaplan Sommer, Allison (1993-10-01). "Abie Nathan pulls up anchor". The Jerusalem Post. http://pqasb.pqarchiver.com/jpost/access/99750459.html?dids=99750459:99750459&FMT=ABS&FMTS=ABS:FT&date=Oct+1%2C+1993&author=Allison+Kaplan+Sommer&pub=Jerusalem+Post&edition=&startpage=09&desc=ABIE+NATHAN+PULLS+UP+ANCHOR, ശേഖരിച്ചത്: 2007-04-30.
- ↑ "Nathan to sink peace ship today". The Jerusalem Post. 1993-11-28. http://pqasb.pqarchiver.com/jpost/access/99763028.html?dids=99763028:99763028&FMT=ABS&FMTS=ABS:FT&date=Nov+28%2C+1993&author=&pub=Jerusalem+Post&edition=&startpage=02&desc=NATHAN+TO+SINK+PEACE+SHIP+TODAY, ശേഖരിച്ചത്: 2007-04-30.
- ↑ http://www.mathrubhumi.com/php/newsFrm.php?news_id=1247165&n_type=NE&category_id=5&Farc=
