അബിഡോസ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
പ്രാചീന ഈജിപ്തിലെ ഒരു നഗരമായിരുന്നു അബിഡോസ്. കെയ്റോയ്ക്ക് തെക്ക് നൈല്നദീതീരത്താണ് ഈ നഗരം സ്ഥിതി ചെയ്തിരുന്നത്. അല്-അറാബത് അല്-മാഡ്ഫുണാ എന്ന പേരിലാണ് ഇന്ന് ഈ നഗരം അറിയപ്പെടുന്നത്.
ഒസൈറിസ് ദേവനെ ആരാധിക്കുന്ന ഒരു ജനസമൂഹത്തിന്റെ കേന്ദ്രസ്ഥാനം എന്ന നിലയിലാണ് അബിഡോസ് പ്രാചീനകാലഘട്ടത്തില് പ്രസിദ്ധി നേടിയത്. ഒസൈറിസ് ഭക്തന്മാരുടെ കേന്ദ്രം എന്ന നിലയില് ഒട്ടധികം ദേവാലയങ്ങള് ഈ നഗരത്തില് ഉണ്ടായിരുന്നു. അതില് ഏറ്റവും പ്രമുഖമായത് ബി.സി. 1300-ല് ഈജിപ്ത് ഭരിച്ചിരുന്ന 19-ാം രാജവംശത്തിലെ സെതി ഒന്നാമന് സ്ഥാപിച്ചതാണ്. ഈ ദേവാലയത്തിന്റെ ഭിത്തിയില് ഈജിപ്ത് ഭരിച്ച ഫറവോന്മാരുടെ ഒരു പട്ടിക കൊത്തിവച്ചിട്ടുണ്ട്. അബിഡോസ് പട്ടിക എന്ന് അറിയപ്പെടുന്ന ഈ പട്ടികയുടെ അടിസ്ഥാനത്തിലാണ് ഈജിപ്ത് ഭരിച്ച ഫറവോന്മാരുടെ രാജവംശം തിരിച്ചുള്ള വംശാവലി രൂപപ്പെടുത്തിയിട്ടുള്ളത്. ആ നിലയില് ചരിത്രപ്രാധാന്യം അര്ഹിക്കുന്ന ഒന്നാണിത്.
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
