അതിവ്യാപനം

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഒന്നിനു മുകളിലൊന്നായി ക്രമീകൃതമായിട്ടുള്ള ശിലാസ്തരങ്ങളിൽ ഏതെങ്കിലുമൊന്നോ, പലതുമോ തൊട്ടുതാഴെയുള്ള അടരിനെക്കാൾ വ്യാപിച്ചുകാണുന്ന ഘടനയ്ക്ക് ഭൂവിജ്ഞാനീയത്തിലുള്ള പേരാണ് അതിവ്യാപനം. ഒരു പ്രത്യേക ഭൂഭാഗം അവതലന(subsidence)[1]ത്തിനു വിധേയമായി ക്രമേണ താഴുകയും, തൻമൂലം അവസാദങ്ങൾ കൂടുതൽ സ്ഥലത്ത് അടിഞ്ഞും ഉറച്ചും അവസാദശിലാ ശേഖരങ്ങളായിത്തീരുകയും ചെയ്താൽ അവിടെ അതിവ്യാപനം ദൃശ്യമാകാം. അതിവ്യാപനത്തെ ഇത്തരം ഭൂഭാഗങ്ങളുടെ സൂചകമായി കരുതിവരുന്നു.

ശിലാപ്രസ്തര(Rock bed)[2]ങ്ങളിൽ അടിയിലായിക്കാണുന്ന അടരുകൾ താരതമ്യേന പ്രായക്കൂടുതലുള്ളതായിരിക്കും. ഈ സ്തരങ്ങൾ സമവിന്യസ്തമോ (conformable),[3] വിഷമവിന്യസ്തമോ (unconformable)[4] ആകാം. സമവിന്യസ്തമായ ശിലാശേഖരങ്ങളിലാണ് അതിവ്യാപനം സാധാരണ കണ്ടുവരുന്നത്. ഭൂഭ്രംശ(Fault)ങ്ങളോടനുബന്ധിച്ച് ശിലാസ്തരങ്ങൾക്ക് തിരശ്ചീനദിശയിലുണ്ടാകുന്ന സഞ്ചലനം മൂലവും അതിവ്യാപനം സംഭവിക്കാം.

അടിയിലുള്ള ശിലാസ്തരങ്ങൾ ഊർധ്വമുഖമായി ക്രമീകരിക്കപ്പെട്ടിരുന്നാൽ അതിവ്യാപനം കാണിക്കുന്ന അടരുകൾ വിഷമവിന്യാസത്തിനു ഹേതുവായിത്തീരും. ആധാരശിലാസ്തരങ്ങളിലോരോന്നിനെയും വിഷമവിന്യസ്തമായി അതിക്രമിക്കുകയാണ് ഇവിടെ ചെയ്യുന്നത്.

അവലംബം[തിരുത്തുക]

പുറംകണ്ണികൾ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അതിവ്യാപനം എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"http://ml.wikipedia.org/w/index.php?title=അതിവ്യാപനം&oldid=1699935" എന്ന താളിൽനിന്നു ശേഖരിച്ചത്