അഖണ്ഡനാമനൃത്തജപം

മലപ്പുറം, പാലക്കാട്, തൃശ്ശൂർ മുതലായ ജില്ലകളുടെ ചിലഭാഗങ്ങളിൽ അയ്യപ്പൻ എന്ന ഹിന്ദുദേവതയെ പ്രസാദിപ്പിക്കാൻ നടത്തുന്ന ഒരു ആരാധനയാണ് അഖണ്ഡനാമനൃത്തജപം^{[അവലംബം ആവശ്യമാണ്]}. വൃശ്ചികം ഒന്നുമുതൽ ധനു പതിനൊന്നു വരെയുള്ള കാലത്താണ് ഈ ചടങ്ങ് പൊതുവേ നടത്താറുള്ളത്. സാധാരണയായി ശബരിമലയ്ക്ക് ആരാധനയ്ക്കായി പോവുന്നതിന് വ്രതം എടുത്ത അയ്യപ്പഭക്തർ ആണ് ഈ ആരാധനയിൽ പങ്കെടുക്കുന്നത്. രാവിലെ ആറുമണി മുതൽ വൈകുന്നേരം ആറുമണി വരെയോ അഥവാ പിറ്റേ ദിവസം രാവിലെ ആറുമണി വരെയോ മുടക്കം കൂടാതെ അയ്യപ്പനെ ഭജിച്ച് പാടുന്നതാണ് ഇതിന്റെ ചടങ്ങ്^{[അവലംബം ആവശ്യമാണ്]}. ഗഞ്ചിറ, കുഴിത്താളം മുതലായ വാദ്യോപകരണങ്ങൾ അഖണ്ഡനാമത്തിന് താളം പകരാൻ ഉപയോഗിക്കുന്നു. നാമജപത്തിനിടയിൽ ഭക്തർ ഭക്തിക്ക് അടിപ്പെട്ട് മോഹാലസ്യപ്പെടുന്നതായി കാണാറുണ്ട്‌^{[അവലംബം ആവശ്യമാണ്]}