അകിര കുറൊസാവ
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
ഈ ലേഖനം ഏതെങ്കിലും സ്രോതസ്സുകളില് നിന്നുള്ള വേണ്ടത്ര തെളിവുകളെ ഉള്ക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളില് നിന്നുമുള്ള അവലംബങ്ങള് ചേര്ത്ത് ലേഖനം മെച്ചപ്പെടുത്തുക. നിലവാരമില്ലാത്ത വസ്തുതകള് ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| Akira Kurosawa | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Akira Kurosawa on the set of Kagemusha (1980). |
||||||||||||||||||
| ജനനം | മാര്ച്ച് 23 1910 Shinagawa, Tokyo, Japan |
|||||||||||||||||
| മരണം | സെപ്റ്റംബര് 6 1998 (പ്രായം 88) (stroke) Setagaya, Tokyo, Japan |
|||||||||||||||||
| പ്രവര്ത്തന മേഖല | director, producer & screenwriter | |||||||||||||||||
| ജീവിതപങ്കാളി(കള്) | Yôko Yaguchi (1945-1985) | |||||||||||||||||
|
||||||||||||||||||
അകിര കുറൊസാവ (Akira Kurosawa, മാര്ച്ച് 23, 1910-സെപ്റ്റംബര് 6, 1998) ലോകപ്രശസ്തനായ ജാപ്പനീസ് ചലച്ചിത്ര സംവിധായകനും നിര്മ്മാതാവും തിരക്കഥാകൃത്തുമായിരുന്നു. 1943 മുതല് 1993 വരെയുള്ള അന്പതു നീണ്ടവര്ഷങ്ങളില് തന്റെ സിനിമകളിലൂടെ ലോകശ്രദ്ധയാകര്ഷിക്കാന് ഇദ്ദേഹത്തിനു കഴിഞ്ഞു. ഇത്രയും നീണ്ടകാലയളവില് ചലച്ചിത്രരംഗത്തു പ്രവര്ത്തിച്ച സംവിധായകര് താരതമ്യേന കുറവാണ്. ‘’സ്റ്റാര്വാഴ്സ്‘’ സംവിധായകന് ജോര്ജ് ലൂക്കാസ് മുതല് ആധുനിക കാലത്ത് ശ്രദ്ധേയരായ ഒട്ടേറെ സംവിധായകരില് കുറൊസാവയുടെ സ്വാധീനം കാണാം.ടെന്നോ(ചക്രവർത്തി) എന്നാണ് ചലച്ചിത്ര ലോകത്ത് കുറസോവ അറിയപ്പെടുന്നത്.ലോക സിനിമയിലെ ഹോമർ എന്നും കൂടി ഈ സംവിധായകൻ അറിയപ്പെടുന്നു.
[തിരുത്തുക] ജീവിതരേഖ
ജപ്പാന്റെ തലസ്ഥാനമായ ടോക്കിയോയ്ക്കടുത്ത് ഒമോരിയിലാണ് കുറൊസാവ ജനിച്ചത്. ഏഴുമക്കളില് ഇളയവനായിരുന്നു അകിര.
[തിരുത്തുക] സിനിമാരംഗത്ത്
ചിത്രകലാ പഠനത്തിനുശേഷം 1936ല് കജീരോ യമാമോട്ടോയുടെ സഹസംവിധായകനായി ചലച്ചിത്രജീവിതം ആരംഭിച്ചു. 1943ല് പുറത്തിറക്കിയ സുഗാതാ സന്ഷിരോ(Sanshiro Sugata)യിലൂടെ സ്വതന്ത്ര സംവിധായകനായി. ആദ്യകാല ചിത്രങ്ങളുടെ പ്രമേയം ദേശസ്നേഹവും രാഷ്ട്രീയവുമായിരുന്നു. ലോകമഹായുദ്ധകാലത്ത് മാധ്യമങ്ങളുടെമേല് ജപ്പാന് സര്ക്കാരിന്റെ കര്ശന നിയന്ത്രണങ്ങള് ഉണ്ടായിരുന്നതിനാലാവാം ഇത്. ഉദാഹരണത്തിന് ദ് മോസ്റ്റ് ബ്യൂട്ടിഫുള്(The Most Beautiful) എന്ന ചിത്രം ആയുധനിര്മ്മാണശാലയില് ജോലിചെയ്യുന്ന ജാപനീസ് പെണ്ണുങ്ങളുടെ കഥ പറയുന്നു. ജൂഡോ സാഗ 2(Judo Saga II) എന്ന ചിത്രമാകട്ടെ അല്പം കൂടി കടന്ന് അമേരിക്കന് സംസ്കാരത്തെയും ജാപനീസ് സംസ്കാരത്തെയും തുലനം ചെയ്യുകയും ജാപനീസ് സംസ്കാരം മഹത്തരമാണെന്നു പറഞ്ഞുവയ്ക്കുകയും ചെയ്യുന്നു. എന്നാല് ലോകമഹായുദ്ധാനന്തരം ഇറങ്ങിയ കുറൊസാവ ചിത്രങ്ങളാകട്ടെ പഴയ ജപ്പാന് ഭരണകൂടത്തെ വിമര്ശനാത്മകമായി ചിത്രീകരിക്കുന്നു. നോ റിഗ്രറ്റ്സ് ഫോര് അവര് യൂത്ത്(No regrets for our youth) ഉദാഹരണം. ഏതായാലും യുദ്ധാനന്തരം പുറത്തിറങ്ങിയ റാഷമോണ്(Rashomon) എന്ന ചലച്ചിത്രമാണ് കുറൊസാവയുടെ സിനിമാ ജീവിതം മാറ്റിമറിച്ചത്. ഈ സിനിമയിലൂടെ പാശ്ചാത്യലോകം ജാപനീസ് സിനിമകളെയും കുറൊസാവയെയും ശ്രദ്ധിക്കാന് തുടങ്ങി. അദ്ദേഹത്തിന്റെ ഏറ്റവും മികച്ച ചിത്രമായി വിലയിരുത്തപ്പെടുന്നതും റാഷമോണ് ആണ്.
[തിരുത്തുക] മരണം
1998 സെപ്റ്റംബര് 6 ന് 88 ആം വയസ്സില് അദ്ദേഹം അന്തരിച്ചു.
ഈ ലേഖനവുമായി ബന്ധപ്പെട്ട കൂടുതല് പ്രമാണങ്ങള് ലഭ്യമാണ്
